NIELIT
kan tih mai hi National Institute of Electronics & Information
Technology tih lamtawi a ni.Department
of Electronics and Information Technology (DeitY) hnuaiah a awm. NIELIT
Aizawl hi kum 2001 khan mizoramah hawn a ni a, tunah hian Industrial vertical building, Industrial
Estate, Zuangtui ah a awm.
Mizo
thalai ten a thlawn liau liau a Computer course hrang hrang kan zir theihna, Mizoram
mai pawh nilo India hmarchhaka Computer zirna changtlung leh lian ber NIELIT Aizawl hi Mizoramah kum 2001 din a ni.Tin, Lunglei ah NIELIT Extension Center
awm a, School
naupang, thalai leh Sorkar hnathawk hmunpui pan remchang theilo ten mahni
district atanga Computer an zirve
theihna turin NIELIT chuan CCC zirna district hrang hrangah tunah NIELIT CCC Study Centre din a ni bawk.
Kum 2001 khan Centre for Electronics
Design &Technology of India (CEDTI) tiin a hming hi vuah a ni. Kum 2002
February ni 14 khan Department of Electronics Accreditation of
Computer Course (DOEACC ) tia vuah a ni leh a. Kum 10 dawn zet mai DOEACC
Aizawl Center tih hming a put hnuah
India ram hmun hrang hrang a Sorkar laipui hnuaia computer zirna DOEACC Society
tih thin chu October ni 10, 2011 atang khan National Institute of Electronics
& Information Technology (NIELIT) tiin
India sorkar chuan a hming a thlak a, vawiin thlengin he hming hi a la
pu a ni.
NIELIT in a tum ber chu
Computer zirna chi hrang hrang : Long term course, formal course,
non-formal course leh short term courses hmanga information and Electronics Commmunication
Technology ( IECT) lama mi thiam (human resource) chherchhuah te, DOEACC scheme
kalpui thei tura non- formal sector lama computer zirna hrang hrang te chherchhuah te, Electronics,
IT leh a kaihhnawih hrang hranga National
Level examination conduct leh certificate pekchhuah te, Thingtlang miten
Computer kan zir ve theihna tura a
thlawna computer zirna buatsaih sak te leh IT Literacy Programmes kaltlanga
mipui te computer zirna pek leh computer literacy lama hmasawn pawimawh zia uar taka puanchhuah
leh IT hmasawnna tura hmalak a ni.
NIELIT hnuai computer
zirna course fee zawng zawng hi tunah hian
keini SheduleTribe (ST) tan Sorkar laipui chuan min tum vek avang hian NIELIT hnuaia mizo sirlai te reng reng hian zir man chawi
lovin, a thlawn liau liau vin an zir vek
a, hei mai bakah scholarship /
Stipend Mizoram scholarship board
atangin college zirlai te dawn ang an dawng vek bawk a ni.
NILIT Aizawl hi India hmarchhakah
Information Technology zirna leh Project hrang hrang tihna hmunpui ber a nia,
Certificate Level atanga Master Degree program thleng zirna a awm.
Long
Term ( 3 Years ) :
1. Master
In Computer Application (MCA) (Affiliated to Mizoram University)
2. Bachelor in Computer Application (BCA) (Affiliated to Mizoram University)
3. Diploma in Computer Science &
Engineering (DCSE)
(Affiliated to Mizoram State Council for Tech Education)
4. Diploma in Electronics &
Telecommunication Engineering (DETE)
( Affiliated to Mizoram State Council for Tech Education)
Eng bakah hian Short Term Course chi hrang hrang a zir theih bawk. NIELIT hian Mizoram hi Totally Computer
Literate State anih theih nan kawng hrang hrangin hma a la mek a, School naupang, thalai leh Sorakr hnathawk
hmunpui pan remchang theilo ten mahni
district atanga Computer an zirve theihna turin NIELIT chuan CCC zirna district hrang hrang ah tunah NIELIT CCC Study Centre din a ni. A bik takin Aizawl khaw pawn lam Zirlaite,
tualchhung thalai te, Sorkar hnathawk mek te, Housewive te leh sumdawnna hrang
hrang buaipuitu ten kan zirlai leh
hnathawh tibuai lova keimahni district
level theuhva Computer kan lo
zirve theihna atan ruahman a ni.